Ang pastor ay nakatayo sa likod ng hapag ng Panginoon na nakaharap sa kapulungan
P – Ang Panginoon ay sumainyo
K – At sumainyo din
P – Itaas Ninyo ang inyong mga puso
K – Itinataas naming sa Panginoon
Itataas ng pastor ang kanyang mga kamay
P – Magpasalamat tayo sa ating Panginoon na ating Diyos
K – Marapat na siya ay pasalamatan at papurihan
P – Marapat at Mabuti at isang kagalakan ang lagi at saan man na magpasalamat sa iyo, Makapangyarihang Diyos, manlilikha ng langit at lupa. Nilikha mo kami sa iyong wangis at hiningahan ng buhay. Nang kami ay lumihis ng landas at ang aming pag-ibig ay nabigo nanatiling tapat pa rin ang iyong pag ibig. Iniligtas mo kami mula sa pagkaalipin at nakipagtipan sa amin bilang aming Makapangyarihang Diyos, at nangusap sa amin sa pamamagitan ng iyong mga propeta na umaasa sa isang araw na ang katarungan ay dadaloy ng tulad ng sa tubig at ang katuwiran ay tulad ng lagging umaagos n abatis, nang ang mga bansa ay hindi na maglalaban laban sa mga bans ani hindi na nila matutunan ang makipagdigma.
ibaba na ng pastor ang kanyang kamay
Kaya kasama ng mga tao dito sa daigdig at sa lahat ng kasamahan sa kalangitan ay nagpupuri kami sa inyong pangalan at samahan sila sa kanilang walang katupusang imno:
Sanctus (Aawitin sa tono ng “And Can it be” ni C. Wesley)
Santo, Santo Santong Panginoon ang Diyos ng kapangyarihan at lakas
Puspos ng yong kalwalhatian, ang langit at ang kalupaan
Hosanna sa kaitaasan, mapalad mapalad siyang dumarating
sa ngalan ng Panginoon Hossana sa kaitaasan
Makikita ang music video nito sa Youtube na ginawa ni Rev. Oliverio Pineda
Itataas ng pastor ang mga kamay
Ikaw ay banal at pinagpala ang iyong anak na si Jesu Cristo. Kinasihan siya ng iyong Espiritu upang ipangaral sa mga dukkha ang mabuting balita, ipahayag ang kalayaan sa mga napabilanggo at magkaroon ng paningin ang mga bulag, at Kalayaan sa mga inuusig, at ipahayag ang panahon na darating na ililigtas mo ang iyong bayan. Siya ay nagpagaling sa mga may sakit, nagpakain sa mga nagugutom at nakikain sa mga makasalanan. Sa bautismo ng kanyang pagpapakasakit, kamatayan, at pagkabuhay na mag uli ay ipinanganak ang iyong Iglesya, iniligtas kami mula sa pagkaalipin sa kasalanan at kamatayan, at gumawa sa amin ng bagong tipan sa pamamagitan ng tubig at Espiritu. Sa kanyang pagakyat sa langit kinangaral mo siya upang umupo sa kanang kamay mo at magharing kasama mo.
Sa gabi na inalay niya ang kanyang sarili para sa amin, kinuha niya ang tinapay, nagpasalamat s aiyo, pinaghati hati ito at ibinigay sa kanyang mga alagad, at ang sabi: “Kumuha kayo at kumain, ito ang aking katawan na ibinibigay para sa inyo. Gawin Ninyo ito sa pagalaala sa akin”
Ang katawan ng Panginoong Jesu-Cristo.
Itataas ang tinapay
Nang matapos ang hapunan kinuha niya ang saro, nagpasalamat saiyo at ibinigay niya sa kanyang mga alagad at sabi: “Uminom kayo rito lahat kayo: ito ang aking dugo ng bagong tipan, nabuhos para s aiyo at sa marami sa ikakapagpatawad ng mga kasalanan. Gawin ninyo ito, habang iniinom ninyo ito, sa pagalaala sa akin ”
Ang dugo ng Panginoong Jesu-Cristo.
Itataas ang saro
Ang katawan at dugo ng Panginoon
Itataas ang tinapay at ang saro at luluhod
At kaya, sa pagalaala sa iyong makapangyarihang gawa kay Jesu-Cristo, inaalay naming ang aming sarili sa papuri at pasasalamat bilang banal at buhay nah ain sa pakikipag isa sa pagaalay ni Cristo para sa atin, habang ipinahahayag natin ang hiwaga ng ating pananampalataya.
LAHAT: Si Cristo ay namatay, si Cristo ay nabuhay; si Cristo ay muling babalik.
Itataas ng pastor ang mga kamay at ang mga palad ay nakababa habang binabasbasan ang mga elemento
Ibuhos mo ang iyong Banal na Espiritu sa amin nagkakatipon ngayon, at sa mga kaloob na ito ang tinapay at inumin. Maging ito nawa sa amin ay ang katawan at dugo ni Cristo, upang kami ay maging katawan ni Cristo sa sang libutan na tinubos ng kanyang dugo.
Sa pamamagitan ng iyong Espiritu gawin mo kaming kaisa kay Cristo, kaisa sa bawat isa, at kaisa sa paglilingkod sa lahat sa sanglibutan, hanggang sa huling tagumpay ni Cristo at makabahagi kami sa makalangit na piging.
Sa pamamagitan ng iyong Anak na si Jesu-Cristo, kasama ng iyong Banal na Espiritu sa iyong banal na Iglesya, lahat ng karangalan at kaluwalhatian ay sa iyo, makapangyarihang Ama, ngayon at magpakailanman. Amen.
Maaring ibaba na ang mga kamay
Ama sa Langit (“Our Father – Tagalog” aawitin sa tono ng “O God in Heaven”)
May makikita na music video sa Youtube
Pagbabahagi sa tinapay at inumin
isinatagalog mula sa Discipleship Ministries ng United Methodist Church
umcsoutherntagalog.wordpress.com 